İyül 20 kunü - Şimaliy Qıbrız Turkiye Cumhuriyetinde barışıq ve azatlıq kunü

Все новости
20 temmuz 2013 yıl 15:44

  İyülniñ 20-de Şimaliy Qıbrız Turkiye Cumhuriyetinde adet uzre Barışıq ve azatlıq kunü qayd etildi. Turkiye ordunıñ barıştırıcı aktsiyasınıñ 39 yıllığı munasebetinen adanıñ şimalinde Kıyev qırımlılar cemiyeti adından teşkilât Yolbaşçısı Aslan ÖMER KIRIMLI Şimaliy Qıbrıznıñ dost halqına eñ samimiy hayırlavlar bildire ve tınçlıq, amanlıq tiley.

  Malüm ki, 1974 senesi yüz bergen adise-vaqialardan soñ Qıbrız bolüngen qala: adanıñ şimaliy qısmı Turkiye Qıbrızlılarğa mensüp ve adanıñ üçte ekisi cenübiy qısmı Cenübiy Qıbrız ukümeti tarafından nezaret etile. Şimaliy Qıbrızda Barışıq ve azatlıq kunü Turkiye bayrağı ve Şimaliy Qıbrız Turkiye Cumhuriyetiniñ bayrağı resmiy şekilde koterile.

 

"Kıyev qırımlılar cemiyeti" CT matbuat hızmeti

Foto