Cemiyetimiz adından Qurban bayramınen hayırlaymız.

Все новости
03 ekim 2014 yıl 15:18
 
Muqaddes Arefe künü ve Qurban Bayramı cümle vetandaşlarımız ve bütün musulman ümmeti içün hayırlı ve mubarek olsun! 
 
"Kiyevdeki qırımtatarlar cemiyeti" CT adından Qurban (İd al-Adha) bayramınen hayırlap, çin yürekten eñ eyi tileklerimizni yetkizemiz. Haq-Taalâ cümlemizge qaviy iman, faydalı bilgi, bereketli rızıq ve maqbul ameller nasip eylesin! 
 
Bu sene hac ibadetini eda etken ve Allah rizası içün qurban çalmağa niyetlengen din qardaşlarımıznıñ ibadetlerini Yüce Rabbimiz qabul etsin. Yapılğan dualar cevapsız qalmasın. 
 
Devletimizniñ barışıq içersinde daima inkişaf etkenini niyaz etip, temiz niyetli, fedakâr, vatanperver ve adaletsever er kimsege Allahnıñ yardımını tileymiz.
 
Qurban Bayramı er bir evge, er bir ailege sevinç ve amanlıq vesilesi olsun!
Yüce Rabbimiz cümlemizden razı olsun.
 
"Kiyevdeki qırımtatarlar cemiyet" CT matbuat hızmeti.

Foto