Qırımdaki basqıncılıq qurbanları içün cemaat ile dua etildi

Все новости
20 mart 2015 yıl 17:41

Mart 20 künü Kiyev ş. "Alraid" İslâmiy medeniyet merkezinde cuma namazından soñra ğıyabiy cenaze namazı ve cemaat duasınen Qırımda yapılğan repressiya qurbanları añıldı.

Hatırlatamız, Qırımda 2014 senesi üç qırımtatarı: Reşat Ametov, Edem Osmanov ve Belâl Belâlov qanunsız silâlanğan toplumlar tarafından vahşiyce öldürülgen ediler. 

Daa bir-qaç soydaşımız qaçırılğan edi ve şimdige qadar ğayıplar. Bu sırada Timur Şaymardanov, Seyran Zinedin, İslâm Ceparov, Cevdet İslâmov, Eskender Apselâmov, Üsein Seytnabiyev, Ernest Usmanov qayd etile.

"Qırımtatarlar Cemiyeti" semetdeşlerimizniñ, tez vaqıtta tapılıp, öz ailelerine qavuşacaqlarına ümüt ete. Bunen beraber Qırımdaki işğalci akimiyetniñ repressiya qurbanlarınıñ yaqınlarına taziye bildiremiz. 

İnne Lillâhi ve İnne İleyhi Raci'uun

                                                                                          

"Qırımatarlar Cemiyeti" CT matbuat hızmeti

Foto