Baş nazir Erdogan Mısırda yüz bergen çatışmalar boyunca noqtaiy-nazarını bildirdi

Все новости
18 ağustos 2013 yıl 16:19

  Turkiye baş naziri Recep Tayip Erdogan Mısırda olıp keçken kütleviy öldürüvlerge sert qıymet kesip, halqara toplulıqnı tenqid etti.

  Baş nazir Erdogan Basra körfezi memleketlerine böyle dedi: "Bugün Mısırda olğan kütleviy öldürüvlerge lâqayt qalğanlar, yarın olarnıñ nevbeti kelse, bir şey aytıp olamaycaqlar".

  Baş nazir Erdogan Bursada çıqışta bulunır eken, Ğarp ve Basra körfeziniñ memleketlerini tenqid etti. Baş nazir şunı qayd etti ki, arbiy avdarmağa 16 mlrd dollar miqdarında yardım köstergenler bu arbiy devrimniñ ortaqları da ola.

  Bunıñnen beraber, baş nazir Erdogan Mısır arbiy reberliginiñ Turkiyege qarşı tenqidine cevap berdi. Erdogan şunı qayd etti ki, olar Turkiye kütleviy öldürüvlerni, avdarmanı ihmal etsin, baqışları ve vicdanını coysın dep, areket eteler. O, şunı bildirdi ki: "Qabaatsız insanlarnıñ öldürüvine lâqayt qalğanlar ve bu öldürüvlerni qarşılağanlar qan deñizinde bulunalar. Bugün Mısırda devlet terrorizmi yerine ketirile".

  Baş nazir Erdogan Al-Fath camisinde yapılğan ücüm aqqında söz yürsetir eken, ibadethaneler qabaatsız olğanını qayd etip, olar Suriye ve Mısırda camilerni yoq eteler, Başar ve Sisi bir-birinden farq etmeyler, dep bildirdi.

  Baş nazir "Musulman qardaşları" Mısırda kilselerni yaqqanları aqqında ayttı, o, halqara kütleviy haber vastaları yañlış malümatlar berip, böyle etip bütün regionnı ve Turkiyeni qaplap alacaq olğan tuzaqlarnı qayd etti.

  Baş nazir Mısırda qan töküvni toqtatmaq içün tedbirler alıp barılğanını bildirip, Birleşken milletler teşkilâtı Telükesizlik Şurasını ve Avropa birligini tenqid etti. Erdogan bu aqta böyle ayttı: "Olar kütleviy öldürüvlerni bile takbih etip olamadılar. Bugün Mısırda olğan kütleviy öldürüvlerge lâqayt qalğanlar, yarın olarnıñ nevbeti kelse, bir şey aytıp olamaycaqlar".

  Turkiye baş naziri Recep Tayip Erdogan Mısırda olıp keçken kütleviy öldürüvlerge sert qıymet kesip, Birleşken milletler teşkilâtı Telükesizlik Şurasını ve Avropa birligini tenqid etti. 

 

www.trtrussian.net malümatlarına esaslanıp

Foto