CİBA İdaresiniñ yañı yolbaşçısı saylanıldı

Все новости
19 haziran 2015 yıl 21:30

Qırım Halqara İş Adamları Birliginiñ keçken İdare toplaşuvında Birlikniñ yañı reisi olaraq Arsen İsmailov saylanıldı.

 

 

QISQA TERCİMEİAL MALÜMATI

Arsen İsmailov 1978 senesi iyün 15 künü Özbekistannıñ Yangiyül şeherinde doğdı. Yaşı 11-ge kelgende ana-babası ve ailesinen beraberlikte Qırımğa köçtü, ve 1995 senesi alâcı olaraq ana vatanında mektep bitirdi.

2000 senesi Arsen maliye şübhesinde Qırım Biznes İnstitutinde aliy tasil aldı. 2003 senesi Taras Şevçenko adına Kiyev Milliy Universitetinde aspirantura oquşını bitirdi. Soñra 2013 senesi Vadim Getman adına Kiyev Milliy İqtisadiyat Universitetinde aliy adliyeviy tasil diplomını qazandı.

Şimdige qadar Arsen 10 yıldan ziyade ileri maliye şirketlerinde çalışıp, idareci vazifelerinde tecribe qazandı. Praveks-Bank, UkrSibBank, "ARİS" maliyeviy supermarketi, EkspoBank, Birinci Ukrain Halqara Bankı hadimi olaraq, bir sıra iqtisadiy leyhalarnı yönetti. Bu cümleden işlerini halqara seviyede alıp barıp, Arsen özüni tecribeli, teraqqiy idareci ve eminli şerik olaraq kösterdi.

Şimdiki vaqıtta Arsen İsmailov «GLOBUS» Bankınıñ Baş Müdir Mesleatçısı ve «Partner» Advokatlar Birliginiñ azası olaraq işini devam ete.

Esabında derc etilgen ilmiy işleri ve eda etilgen bir sıra muvafaqiyetli leyhaları olsa da, eñ büyük ğururı olaraq Arsen İsmailov öz ballarını köre.

Foto