Qırımtatar halqı Meclisiniñ yolbaşçısı Mustafa Cemilev musulmanlarnıñ Mubarek Ramazan ayında Saudiy Arabistanğa Ümre yapmaq içün yol aldı

Все новости
31 temmuz 2013 yıl 18:21

  Qırımtatar halqı Meclisiniñ yolbaşçısı Mustafa Cemilev musulmanlarnıñ Mubarek Ramazan ayında Saudiy Arabistanğa Ümre yapmaq içün yol aldı (muqaddes topraqlarda küçük acılıq).

  Ramazan ayında Qadır gecesi olğan soñki on kunü Meclis yolbaşçısı Mustafa Cemilev Kiyevdeki qırımtatarlar Cemiyetiniñ Yolbaşçısı Aslan Ömer Qırımlı ile beraber Saudiy Arabistannıñ Mekke şeerinde, Allahqa ibadet etilgen birinci yerde, Ümre yapacaqlar.

  Meclis Reisi Mustafa Cemilev ve "Kiyevdeki qırımtatarlar cemiyeti" CT Reisi A. ÖMER Qırımlınıñ ziyareti Saudiy Arabistan Qırallığınıñ Ukrainadaki Elçisi Cudit Ben Zabin Alhzalnıñ daveti ile amelge keçirile. 

  Bundan da ğayrı, Mustafa Cemilev Saudiy Arabistan Qırallığında devletniñ siyasiy ve diplomatik daireleri vekillerinen bir sıra muim korüşüvler keçirecek.

  Meclis yolbaşçısı Mustafa Cemilev ve "Kiyevdeki qırımtatarlar cemiyeti" CT yolbaşçısı Aslan Ömer Qırımlı Saudiy Arabistanda 2013 senesi avgustnıñ 4-ne qadar bulunacaqlar.

  Malümat içün: Ümre - Mekke ve Mescid-al Haramnı ziyaret etüvnen bağlı küçük acılıq sayılıp, Hac içün belgilengen ayda degil de, yılnıñ er angi başqa vaqtında yapıla.

 

"Kıyev qırımlılar cemiyeti" CT matbuat hızmeti

Foto