"Qırım Tatar Cemiyeti" CT – Ukrainada yaşağan, Qırımdaki tamır halqnı – qırımtatarlarnı (qırımlılarnı) temsil etken teşkilâttır. "Qırım Tatar Cemiyeti" qırımtatarlarnıñ birlikte yaşamasına ıntıla ve halqnıñ icadiy bayıtmasına yardımcı olıp, ana-vatandan tış yerlerde onıñ maneviy, medeniy ve içtimaiy asabalığını qorçalay. "Qırım Tatar Cemiyeti" Ukrainada yaşağan türlü qavim ve mezeplerniñ vekilleri arasında muabbetlik, tolerantlıq ve qarşılıqlı ürmet olması içün hızmet etken medeniyetlerara işbirlik teşebbüslerine qol tutmaqta. Ondan ğayrı "Qırım Tatar Cemiyeti" milliy degerlikler ve ananelerni qaviyleştirmek ve desteklemek niyetinen daimiy surette qırımtatar korüşüvlerini

"Qırım Tatar Cemiyeti" faaliyetini daimiy, deñişmegen negizi esasında alıp bara ve kendi areketlerini boyle yonelişlerge bağışlay:

• qırımtatar cemiyeti arasında birlik ketişatını quvetleştirüv;
• qırımtatar halqınıñ yuqarı nufuzlı temsilci organı - Milliy Qurultay ve qırımtatar halqınıñ yekâne yuqarı vekâletli-icra organı – Milliy Meclis ile işbirlik;
• Ukrainada yaşağan butün halqlar arasında milletlerara fikirdeşlik subetiniñ qurulışı;
• qırımtatarlarnıñ aq-uquqları teminlemesine areket etüv.

"Qırım Tatar Cemiyeti" CT esas vazifesi – qırımtatarlarnıñ medeniy yaşayışınıñ ilerilemesi içün yardım kosterüv, tolerantlıq, qarşılıqlı urmet ve fikirdeşlik kibi printsipler negizinde Ukrainada grajdanlıq cemiyetiniñ qurulışı. Kiyev ve devletimizniñ diger şeerlerinde qırımtatarlarnıñ medeniyet, ananeler, sanat, edebiyat ve tarihi ile tanış etüv maqsadınen qırımtatar medeniy merkezleriniñ meydanğa ketirüvi, bir de medeniy, içtimaiy ve tasil ihtiyaclarını qanaatlendirmesi - "Qırım Tatar Cemiyeti"niñ esas iş yönelişlerinden biri ola.